Lo llamaban democracia - Colectivo Novecento

Quen ía imaxinar naquel setembro de 2008 que a caída de Lehman Brothers daría inicio, non só á grave crise económica que estamos a sufrir, senón tamén a unha crise política na que xa se cuestiona o réxime emanado da Constitución de 1978. Neste libro, con rigor e compromiso, explícanse de xeito accesible as claves económicas e políticas que marcan este proceso, así como os inmediatos dilemas que se formulan.

Viñetas e fotografías das últimas resistencias cidadás acompañan os textos deste primeiro libro conxunto do Colectivo Novecento, no que supón unha suxestiva reivindicación da política como o mellor modo de recuperar a democracia.

Colectivo Novecento é un grupo que trenzou a súa amizade fai xa quince anos no seo dunha asociación universitaria, Economía Alternativa. Uns e outras seguiron vías moi diversas nas súas inquietudes políticas e profesionais. Hai un ano decidiron crear o blog de economía crítica e pensamento político: www.colectivonovento.org

Nesta plataforma pódense encontrar materiais complementarios (bibliografía, gráficos, actualizacións) a algúns dos textos deste libro.

Índice e presentación

Vía Icaria Editorial

Recuperar a democracia - Javier de Lucas

Vía Attac.tv

A clave da democracia é o disenso e a cidadania activa é quen o expresa, tendo dereito á resistencia, mesmo á desobediencia civil. Os dereitos sociais deben de estar por enriba dos dereitos civís e políticos. A democracia representativa está en fase de esgotamento, hai que potenciar a participación e o control cidadán. Ante as insuficiencias de igualdade deste modelo hai que formular un novo proceso constituínte.

Javier de Lucas